BMEG PREMIUM HOG FEEDS

1. Sa Pag-aalaga ng baboy, siguraduhing kabalikat mo ang tamang de-kalidad nap akin na may kaakibat na tulong teknikal lalo na sa tamang pagpapakain at siyentipikong pag- aalaga.

2. Lubhang mahalaga ang tamang pagpapakain sa bawat edad, kailangang maintindihan kung gaano karami at anong klase ang pakain sa takdang edad ng baboy. “Transition feeding” ang tawag dito.

3. Kailangang malaman natin ang basic medication at vaccination guide sa pagpapalaki ng baboy. Dahil ang mga sakit ng baboy ay nakasalalay din sa lokasyon ng inyong babuyan, kailangang makausap nyo ang mga technician o beterinaryo sa inyong lugar kung ano ang nararapat na mga bakuna at suplemento para maiiwasan ang mga sakit na tatama sa inyong mga alagang baboy.

4. Sa mga ng pusod ng inyong mga bagong panganak na biik, mas mainam na hayaan lamang na matuyo ang mga pusod at saka putulin o hayaang matanggal ito. Ang pinagputulan ng pusod ay paboritong lokasyon sa pagdami ng mga bacteria kaya mataas ang psibilidad na tamaan ng impeksyon gaya ng scouring o diarrhea, arthritis at meningitis ang mga biik na pinutulan ng pusod.

5. Lubhang mahala na makasuso ang bawat bagong panganak na biik ng sapat na colostrums o unang gatas mula pagkapanganak hanggang dalawang araw. Ang colostrums ay may dulot na antibodies na syang magbibigay proteksyon sa mga biik laban sa iba-t-ibang impeksyon hanggang mga 21-40 days o hanggang sa panahon ng pagwawalay. Mas maraming nasusong antibodies, mas matibay ang mga biik laban sa sakit.

6. Walo (8) ang matatalim na dulo ng ngipin ng mga biik na dapat putulin para maiiwasan ang pagkakasugat ng mga ito kapag sila ay naglalaro o nag-aaway sa kulungan. Ang pagputol sa dulo ng mga ngipin ay dapat gawin sa pangalawang araw mula pagkapanganak ng mga biik upang hindi makaantala sa pagsuso ng mga ito sa colostrums. Karaniwang isinasabay dito ang pagputol ng mga buntoto para iisa lamang ang stress na mararanasan nito.

7. Pinapanganak ang biik na walang nakukuhang IRON mula sa inahin kaya karaniwang anemic ang biik pagkapanganak. Hanggang pitong araw, kailangang mapunuan kaagad ang kailangang iron ng bawat biik para maiwasan ang panghihina at pamamansot. Dahil ditto, kailangang mag-inject ng 1 ml na 20% Iron Dextran o 2ml na 10% Iron Dextran sa ikatlong araw ng biik mula pagkapanganak.

8. Mas mainam na matutong kumain ng solidong pakain ang mga biik nang mas maaga (o limang araw mula pagkapanganak) upang madaling masanay ang kanilang mga bituka at upang hindi umasa lamang sa gatas ng inahin.
Makakabuti ito sa mga inahing baboy upang hindi ito mamayat at maging handa sa muling pagbubuntis. Mainam din ito para sa mga biik upang maiwasan ang diarrhea sa biglang pagkain ng solidong pakain.

9. Kailangang magbigay ng preventive dose na antibiotic sa bawat pagsusugat ng mga baboy gaya ng pagputol ng mga dulo ng ngipin at buntot. Ito ay upang maiwasan ang pagdami ng bacteria sa dugo tuwing sila ay makakapasok sa mga sugat.

10. Ang Hog Cholera vaccination ay endemic o kalat sa maraming lugar ng Pilipinas na maaring makapatay sa inyong mga biik at makapag-abort sa mga inahin. Kaya kailangang maibigay ang bakunang ito sa mga biik, sa mga inahin at sa mga barako. Sumangguni sa mga beterinaryo sa inyong lugar para sa programa ng pagbabakuna ito.